Қайқы батыр

     Қайқы Ұзақұлы 1845 жылы Ақмешіт уезіне қарасты Байұзақ болысында (қазіргі Жалағаш ауданы) дүниеге келген. Кіші жүздің Табын руынан шыққан.

     Әкесі Ұзақ қорғау кезінде жау қолынан қаза табады да, жастай жетім қалған Қайқы одан әрі анасының тәрбиесінде болады. Сөйтіп, өмірдің ащы-тұщысын көріп өскен ол ерте есейеді. Әсіресе, әділдік үшін күреске ешкімнен де жасқанбайды. Өзі де ірі тұлғалы, қайратты кісі болыпты. Жаумен ат үстінде кездескенде жиырма кісіге де алдырмаған, найзагер, сойып ұрғыш жан екен. Қыстың қандай бір қаһарлы суығының өзінде басына тымақ кимей-ақ, бөрікпен жүреді екен. Қайқы батыр халыққа қиянат жасағандардың қай-қайсысына болсын қарсы тұрып, тек туралығын айтқан, сол арқылы көпшілік құрметіне бөленген кісі болған.

     Әділдігімен, өткір де ержүректілігімен Сыр бойындағы бүкіл Жетісу мен Кете – Шөмекейге мәлім болған. Оған біткен күш-қуат айрықша екендігі елге аңыз болған. Қайқының аты көзі тірісінде-ақ ел ішіне кеңінен тараған. Ол жайлы деректер сирек те болса республикалық басылымдарда кездеседі. 1965 жылы жарыққа шыққан «Айтыс» кітабының 2-томындағы 231-286 беттерінде Кете Жүсіп пен Қаңлы Жүсіптің және Нақып Қожаның айтысында Қайқы есімі аталып кетеді.

     Қайқы батыр 1918 жылы, яғни 73 жасында дүние салған. Бейіті Қалжан ахун бейітінің оңтүстік шығыс жағында.


04 мамыр 2015 ж. 10:46
0 қарау
Пікір қосу
Аты-жөні: *
E-mail: *
Пікір:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Код: Қауіпсіздік кодын көрсету үшін осы суретті қосыңыз
Код көрсетілмесе, бетті қайта жаңартыңыз
Кодты енгізіңіз: