2017 жылдың 2 маусым күні Ә.Тәжібаев атындағы облыстық әмбебап ғылыми кітапханасында 5-маусым – Дүниежүзілік қоршаған ортаны қорғау күніне арналған «Экология және бүгінгі әлем» атты экологиялық сағат өтті.

   Елбасымыз атап өткендей, еліміздің қолда бар байлығын сақтау, оны тиімді пайдаланып,экологиялық қауіпсіздікті қамтамасыз ету арқылы жарқын болашақта өмір сүру өзіміздің қолымызда.

    Бүгінгі таңда адамзат алдында тұрған күрделі мәселенің бірі - қоршаған тіршілік ортасын келешек ұрпаққа бүлдірмей, ластамай, көркейтіп - көріктендіріп жеткізу. Жастарға жердің қадірін, байлығын бағалай білуге, туған табиғатты сүюге және қамқорлық, жанашырлық сезімге баулу мақсатында өткізілген экологиялық сабақта Қазақстанның қорықтары, Қызыл кітап туралы, қоршаған ортаның жай-күйі, яғни айрықша ластануына жол бермеу керектігі жөнінде айтылды.

     Оқырмандар «Табиғатты қорғау басты борышымыз» атты кітап көрмесімен танысты.