Колумбиялық жазушы, Нобель сыйлығының лауреаты Габриэль Гарсиа Маркестің «Жүз жылдық жалғыздық» кітабына сұхбат

    30 маусым күні Ел Тәуелсіздігінің 30 жылдығына орай «Бір ел – бір кітап» республикалық акциясы аясында ұсынылған «Тәуелсіздігіміздің 30 жылдығына – 30 кітап» тізіміне енген колумбиялық жазушы, Нобель сыйлығының лауреаты Габриэль Гарсиа Маркестің «Жүз жылдық жалғыздық» кітабына сұхбат ұйымдастырылды. Шараның мақсаты: аударма арқылы шетел және әдеби шығармаларының қазыналы туындыларын оқырмандарға насихаттау.

    Шараның қонағы «Кездесу» клубының төрайымы Алтынбекова Ұлданай Жаңабайқызы сұхбат барысында ХХ ғасырдың ең оқылымды шығармаларының бірі «Жүз жылдық жалғыздық» романындағы Буэндиа әулетінің бірнеше ұрпағының тарихы туралы әңгіме қозғады және Буэндиа ұрпағының өсіп-өркендеуі арқылы Латын Америкасының тарихы мен өркениетін, адамзаттың сана – сезімдік эволюциясын оқырмандарға толық жеткізе білді.