«Балақай, оқы, қызық!» Жаңа әдебиеттермен таныстыру

   16 тамыз күні облыстық кітапханада балаларға кітаптың адам өміріндегі маңызы жайлы түсіндіру, кітап оқуға қызығушылығын арттыру мақсатында «Балақай, оқы, қызық!» тақырыбында жаңа түскен әдебиеттермен таныстыру ұйымдастырылды. Шара барысында оқырмандар «Отбасы хрестоматиясы» сериясымен жарыққа шыққан шет ел жазушыларының таңдаулы әдеби туындыларымен, математика, спорт саласына қатысты «Сан құбыжық», «Таблица умножения», «Тамаша спорт» және қызықты ертегілер жинағы «Қазақстан халқы ертегілері» кітаптарымен, әліпбиге көмекші құрал «Аражанның әліпбиімен» танысты.