«Нұр Наурыз – халық тойы»

    Ә.Тәжібаев атындағы облыстық әмбебап ғылыми кітапханасында Ұлыстың ұлы күні – Наурыз мейрамына орай «Нұр Наурыз – халық тойы» атты сайыс ұйымдастырылды. Оның мақсаты - халықтың ұлы мерекесін тойлау, оның тарихи маңызын түсіндіру, салт-дәстүр, әдет-ғұрыптарын дәріптеу арқылы жастарды еліне, жеріне деген сүйіспеншілікке тәрбиелеу.

     Наурыз - парсы сөзі. Бұл «жаңа күн» дегенді білдіреді. Оның мәнісі мынадай: 21-нен 22-не қараған түні күн мен түн теңеседі. Сонан кейін күн ұзарып, ағаш бүршік жарып, шөптер қылтиып, малдар төлдеп, дүние жасарып, жаңаланады. 22 Наурыз мейрамы – ұлттық салт-дәстүр, ойын-сауығымыз түгел қамтылатын жыр-думан.

Мерекелік іс-шараға көпсалалы «Ұлағат Қызылорда» колледжі, «Болашақ»  колледжі, «Жас өркен» колледжері қатысып, мына кезеңдер бойынша сайысқа түсті.

    1. Ұлттық киімдер шеруі

    2. Өнер көрсету (ән немесе би)

    3. Ұлттық салт-дәстүрден сахналық көрініс (10 минуттық)

   Қатысушылар сайыс шартына орай ұлттық киімдер шеруін көрсетіп, ән айтып, би билеп өнерлерін ортаға салды. Халқымыздың «қыз ұзату», «келін түсіру», «тұсау кесер» атты салт-дәстүрлерін шебер сомдап, көрермендердің ыстық ықыласына бөленді. Нәтижесінде жоғары деңгейде өнер көрсеткен «Болашақ» колледжі қазылар алқасының шешімімен 1-ші орынға лайық деп танылды. «Жас өркен» колледжі 2-ші, көпсалалы «Ұлағат Қызылорда» 3-ші орынға ие болды.

    Іс-шара тақырыбына орай:

    1. «Наурыз тойым – мерекем»

    2. «Салт-дәстүрім – берекем»

    3. «Халықтың қадір тұтар дастарханы»

    4. «Қолөнер – сырлы өнер» атты бөлімдерден тұратын кітап көрмесі жасалды.

 

 

 

 


 


 


18 наурыз 2016 ж. 18:42
0 қарау
Пікір қосу
Аты-жөні: *
E-mail: *
Пікір:
Код: Кликните на изображение чтобы обновить код, если он неразборчив
Кодты енгізіңіз: