2017 жылдың 27 шілде күні Ә.Тәжібаев атындағы облыстық кітапханада Оңтүстік Кореяның Қазақстандағы Бас консулы Чжон Сынг-Мин, консул Ли Мëнг Джэ және Чан Пëн Хва қонақта болып кітапханамен, Корей ақпараттық орталығы жұмысымен танысты.

Қазіргі таңда ақпараттық орталықта Корей елінің тарихы, мәдениеті, салт-дәстүрлері туралы 200-ге жуық кітаптар, 100-ден аса дискілермен музыкалық аспаптар және көркем әдебиеттер бар. Корей тілін үйренушілер үшін курс ұйымдастырылған. Жылына Корея киносының фестивалі өткізіліп тұрады.