Республикалық «Бір ел – бір кітап» акциясы аясында жыл кітабына таңдалған ақын,ағартушы Сұлтанмахмұт Торайғыровтың шығармашылығын насихаттау жалғасын табуда.

      Осы орайда, Ә.Тәжібаев атындағы облыстық әмбебап ғылыми кітапханасында 2017 жылдың 22 қыркүйек күні «Алаш идеясының жаршысы» тақырыбында дөңгелек стол ұйымдастырылды.

     Көрнекті алаштанушы Мәмбет Қойгелдиевтің сөзімен айтсақ: «Алаш халқымызды бесігінде тербетіп, есейіп ат жалын тартып мінгенде бойына күш-қуат және сенім берген ұлттық идея. Алаш – ұлттың өзін бөлінбес тұтас жер, яғни территория ретінде сезінуі. Алаш – ұлттың аспан асты, жер үстінде өз орны бар ел ретінде өз еншісі мен үлесін анықтау харекеті».