16 мамыр күні  Ә.Тәжібаев атындағы облыстық әмбебап ғылыми кітапханасында   Бүлдіршіндердін  кітапқа деген қызығушылығын арттыру және ертегі арқылы адамгершілік, достық, мейірімділік, еңбексүйгіштік касиеттерге  тәрбиелеу, шығармашылық қабілетін дамыту мақсатында   «Жүз жылды алға аттаған ертегілер»  ертегілер карнавалы  өткізілді.

   Шараға  қаламыздағы «Ералаш», «Жұлдыз»,  «Нұр Салтанат»  және «Сыр еркесі» балабақшасының мектеп алды тобының тәрбиеленушілері қатысып,   «Шалқан»,  «Теремок», «Машины сказки», «Достық туралы» , «Незабудка»  ертегілерінің желісі бойынша  қойылымы  сахналады.

  Сиқырға толы ғажайып ертегілер еліндегі  шара балаларға ғажайып көңіл күй сыйлап, ондағы бай фантазия балалардың ойына қозғау салып, өмірдің неше алуан құбылыстарын тануға, сана – сезім, ақыл-ой қызметінің ерте дамып қалыптасуына әсер етті.