22 қыркүйек күні өнер бөлімі Қазақтелеком акционерлік қоғамының Қызылорда облыстық филиалы мекемесінде өткізілген белгілі композитор, Қазақстанның еңбек сіңірген қайраткері Рамазан Таймановпен кездесу кешіне «Шоқтығы биік сазгер» атты кітап көрмесін ұйымдастырды. Көрменің мақсаты – шара қатысушыларына жергілікті сазгер Рамазан Таймановтың өмірі мен шығармашылығын насихаттау. Көпшілік қауымды өлкеміздің белгілі тұлғаларымен жақын таныстыру. Көрмеге композитордың шығармалары туралы енген энциклопедиялық жинақтар, мерзімді басылым беттері және танымал әндердің шығу тарихы туралы естеліктер мен суреттер қойылды.