27 қантар күні М.Ықсанов атындағы Қызылорда политехникалық колледж студенттерімен «Жанға жайлы жүздесулер» жобасы аясында «Coffee day» ұйымдастырылды.
Кітапхананың жайлы атмосферасында кітапханашы қатысушыларға бір шыныаяқ хош иісті кофені ұсына отырып, өнер әдебиеттерімен танысу барысында Иоганн Себастьян Бахтың қысқаша өмірбаяны мен шығармашылығы, кофенің шығу тарихымен таныстырады. Кеш бойы Бахтың «Кофейная соната» әуені орындалып тұрады.
Шараға қатысушылар арасында музыкалық білімі бар жастар сыбызғы, гитара аспаптарында әуендер ойнады. Қонақтарға қызықты кеш, рухани демалыс болды.

