«Ұранды ердің- ұрпағы қайсар» шекарашылармен кездесу кеші

Отан қорғаушылар күні – еліміздің қорғаны болған ерлерге деген  құрметтің белгісі. Осыған орай  Әбділда Тәжібаев атындағы облыстық әмбебап ғылыми кітапханасы   6  мамыр күні «Ұранды ердің- ұрпағы қайсар» тақырыбында шекарашылармен кездесу кешін ұйымдастырды.

Өскелең ұрпақты Отанды сүюге, батырлық пен ерлік, ел бірлігі мен бейбіт өмірдің мәнін ұғындыруға арналған шарада  батыр бабаларымыз бен қазіргі әскери қызметкерлерімізге арналған   әдеби көрме таныстырылымы, әскери-патриоттық әндер шеруі болды.