10 маусым күні Ә.Тәжібаев атындағы облыстық әмбебап ғылыми кітапханасының балалар әдебиеті бөлімі «Ойнайықта ойлайық»  атты ойын-сайыс  өткізді. Мақсаты: Оқырмандарды кітапханаға тарту, оқушылардың ой-өрісін, логикалық ойлау қабілетін дамыту, білімді, дарынды,  озық болуға тәрбиелеу. Шараға №140, №187 Шоқай атындағы орта мектептердегі  жазғы  тынығу лагерлерінде демалушы балалар қатысты.  Балалар «Тапқырлар», «Білгірлер» атты екі топқа бөлініп сайысты. Ойын-сайыс «Жұмбақ  жасыру», «Сөзжұмбақ шешу», «Кім тапқыр?», «Логикалық ойындар» кезеңдерінен тұрды. Шара соңында  балалар кітапхана бөлімдеріне саяхат жасап, «Балдырғандар»  залында мультфильмдер тамашалады.