«Ұлы суреткер» (М.Әуезовтің туғанына 120 жыл)

   28 қыркүйек күні Ә.Тәжібаев атындағы облыстық әмбебап ғылыми кітапханасы ұлы жазушы Мұхтар Омарханұлы Әуезовтің туғанына 120 жыл толуына орай, мектеп оқушылары арасында «Ұлы суреткер» атты эссе-байқаудың қорытынды шарасын ұйымдастырды.

    Мәдени –шараның мақсаты: Заманымыздың заңғар жазушысы, қазақ әдебиеті мен мәдениетінің XX ғасырдағы биік шыңы – ұлы жазушы Мұхтар Омарханұлы Әуезовтің артында қалған ұлан-ғайыр мұрасы мен шығармаларын насихаттап, бала бойында рухани құндылық пен адамгершілік қасиеттерді қалыптастыру.

    Сайысқа С.Толыбеков атындағы №3 мектеп-лицей және Әли Мүсілім атындағы №101мектеп-лицей, №136 Т.Жүргенов атындағы орта мектеп, №187 М.Шоқай атындағы қазақ орта мектебі, №233 Ж. Нұрсейітов атындағы орта мектеп оқушылары қатысып, жазушының «Жетім» әңгімесі бойынша эссе жазып, өз пікірлерін толықтай жеткізе білді.

   Қазылар алқасының шешімімен «Ең үздік» номинациясы бойынша І дәрежелі диплом 6 «Д» сынып С.Толыбеков атындағы №3 мектеп-лицейдің оқушысы Мөлдір Талғатқа, ІІ дәрежелі диплом Әли Мүсілім атындағы №101мектеп-лицейдің 7 «Д» сынып оқушысы Феруза Мәдениет пен С.Толыбеков атындағы №3 мектеп-лицейдің 7 «Г» сынып оқушысы Ситора Сақыпжанқызына, III дәрежелі диплом С.Толыбеков атындағы №3 мектеп-лицейдің 6 «А» сынып оқушысы Әліби Айтқожаевқа, Әли Мүсілім атындағы №101мектеп-лицейдің 8 «А» сынып оқушысы Айкүміс Ұзақова мен 8 «Ә» сынып оқушысы Алтынай Серікке берілді.