DataLife Engine > Жаңалықтар > Қ.Мұхамеджановтың 90 жылдығына арналған «Қалтай оқыған кітаптар» атты әдеби кеш ұйымдастырылды.

Қ.Мұхамеджановтың 90 жылдығына арналған «Қалтай оқыған кітаптар» атты әдеби кеш ұйымдастырылды.


21-09-2018, 16:56
Автор: akbota

            21 қыркүйек  күні Ә.Тәжібаев атындағы облыстық әмбебап ғылыми кітапханасында  белгілі  драматург - жазушы, аудармашы, сыншы, қоғам  қайраткері Қ.Мұхамеджановтың  90  жылдығына  арналған  «Қалтай  оқыған  кітаптар»  атты    әдеби  кеш   ұйымдастырылды.

             Қ.Мұхамеджанов  замандастарының  айтуы  бойынша  керемет  кітапқұмар  адам  болған  екен. Жиналған  кітаптардан  кімнің  кітабы  қай  қатарда  қандай  сөреде  тұрғандығын  жатқа білген.  Бірнеше  мың  кітап: арабша, парсыша, орысша, қазақшаның  араб  әрпіндегі, латын  әрпіндегі  кітаптар  оның  өмір  бойғы  жинаған  байлығы  деп  айтуға  болады. Қалтай   Мұхамеджановтың  кітапханасы  баяғыда  Отырарда  жоғалып  кеткен, Мысырдағы кезінде  отқа  оранған    Александрия  кітапханаларын  еске  түсіреді.                 

            2015  жылы Ә.Тәжібаев атындағы облыстық әмбебап ғылыми кітапханасының  қоры Қалтай  Мұхамеджановтың  жеке   кітапханасның  8 мың данаға   жуық   кітап  қорымен  толықтырылды. Біздің  бүгінгі  мақсатымыз  Қалтай  Мұхамеджановтың болашақ ұрпаққа  қалдырған  бай   кітапханасындағы  білім   мұрасын жазушының   көзіндей  көріп,   аманатындай  сақтап, оқырмандарға  насихаттау  болып  табылады. 

         Осы  орайда, оқырмандарды  жазушының    жинаған  кітаптарымен   таныстыруға  арналған     іс-шара  Абайдың, Шыңғыс  Айтматовтың, Мұхтар  Шахановтың, дінтанушы Берікбай  Сағындықұлының  кітаптарының  және  қазақ  тіліне     Қалтай  Мұхамеджанов  аударған  «Мың  бір  түн»  ертегілерінің  беташары  болды  деуімізге  болады. Іс-шараға  қатысушылар   жазушылардың  жекелеген  шығармаларын  талдап,    басқа   әдебиеттеріне де  шолу  жасады. 

         Мәдени  шараға    Қорқыт Ата  атындағы  мемлекеттік  университеттің    оқытушыcы   Қ.Құдайбергенов, Қызылорда  аграрлық  жоғары  колледжінің  студенттері мен  оқытушысы Г.Мінажадинова  қатысып, көпсалалы «Ұлағат»  колледжінің  студенттері  Абай, М.Шахановтың  өлеңдерін  оқыды.



 

Вернуться назад