"Кітаппен өткен жаз қызық" қашықтықтан оқу

    21 тамыз күні Ә.Тәжібаев атындағы облыстық әмбебап ғылыми кітапханасы жас ұрпаққа әлем және қазақ халықтарының озық көркем шығармаларын насихаттау мақсатында «Кітаппен өткен жаз қызық» атты қашықтан оқу ұйымдастырды.

    Шараға І.Қабылов атындағы  №12 IT мектеп –лицейі, М.Шоқай атындағы №187 IT-мектеп-лицей,  Ы.Алтынсарин атындағы №10 мектеп-лицей, Ә.Мүсілімов атындағы №101 мектеп-лицейінің оқушылары қатысты. Қатысушылар  Қ.Жұмаділовтың «Дарабоз», Б.Майлиннің «Шұғаның белгісі», А.Құнанбайұлының «Қансонарда бүркітші шығады аңға», Ә.Мүсілімұлының «Бізде бала болғанбыз», М.Әуезовтың «Қорғансыздың күні»,  Б.Соқпақбаевтың «Менің атым Қожа» атты  көркем әдебиет туындыларын оқып, алған  әсерлері жайлы  бөлісті.