Мұстафа Шоқай-Тәуелсіздіктің жаршысы

    4-10 желтоқсан күндері №187 Мұстафа Шоқай атындағы қазақ орта мектебінде, Алаш қайраткері Мұстафа Шоқайдың 125 жылдығына арналған «Мұстафа Шоқай-түркі әлемінің алыбы» атты облыстық ғылыми жоба, ғылыми-тәжірибелік конференция өткізілді. Осы конференция аясында Ә.Тәжібаев атындағы облыстық әмбебап кітапханасының балалар әдебиеті бөлімі «Мұстафа Шоқай-Тәуелсіздіктің жаршысы» атты жылжымалы кітап көрмесін ұйымдастырып, библиографиялық шолу өткізді. Көрменің мақсаты: бүкіл түркі әлемінің ұлы перзенті, жалынды публицист, тамаша тарихшы заңгер-ғалым, халықаралық саяси күрескер ретіндегі қаламынан туған асыл мұраларын, шығармаларын оқырманға кеңінен насихаттау,жас ұрпақты елжандылыққа, Отанын халқын сүюге, ержүректікке, патриоттық сезімге тәрбиелеу.