«Қазақ операсының Сәйгүлігі» атты ән кеші17 ақпан күні Ә.Тәжібаев атындағы облыстық әмбебап ғылыми кітапханасы қазақтың әйгілі әншісі, қазақ опера өнерінің негізін салушылардың бірі, қоғам қайраткері, КСРО халық артисі, КСРО Мемлекеттік сыйлығының лауреаты Күләш Бәйсейітованың туғанына 110 жыл толуына арналған «Қазақ операсының Сәйгүлігі» атты ән кешін ұйымдастырды. Шараның мақсаты - ХХ ғасырда өркендеген қазақ ұлттық өнері мен мәдениетінің төрінен ойып тұрып орын алатын халқымыздың талантты да аяулы қызы, аты аңызға айналған опера өнерінің негізін салушылардың бірі Күләш Бәйсейітованың өмірі мен шығармашылығын өнер сүйер қауымға жақын таныстыру. Ән кешіне Қазанғап атындағы жоғары музыкалық колледждің студенттері қатысып, шара қонақтарына әншінің репертуарындағы шығармаларды жанды дауыста орындады.    |
