«Ұлттық құндылық – ел бірлігі» эссе-байқау

           30 қазан  күні облыстық кітапханада «Ұлттық құндылық – ел бірлігі» тақырыбында эссе-байқау ұйымдастырылды.

     Мақсаты – өскелең ұрпақ бойына ұлттық құндылықтарымызды сіңіре отырып елжандылыққа, рухани-адамгершілікке баулу, шығармашылық әлеуетін көтеру, тілдік қорын кеңейтуге ықпал жасау.

      Эссеге барлығы 18 оқырман қатысып бақ сынасты. Нәтижесінде Қармақшы ауданы, Ақжар ауылдық №28 мектебінің оқушысы Р.Бейбітов I орынды, Жалағаш ауданы №122 орта мектебінің оқушысы Ш.Теміршеқызы II орынды, Ж.Махамбетов атындағы №43 орта мектебінің оқушысы Т.Сейтхан III орынды иеленді. Эссе-байқауға атсалысқан өзге де қатысушылар алғыс хаттармен марапатталды.

         Шара соңында қатысушылар «Ұлттық құндылық – ұлт  қазынасы» атты  кітап көрмесімен танысты.