«Ақындармен кездесу» дөңгелек үстел

          13 қыркүйек күні Әбділда Тәжібаев атындағы облыстық әмбебап ғылыми кітапханасында «Ақындармен кездесу» атты дөңгелек үстел өтті.

      Мақсаты: Сара жолдың сүрлеу соқпағымен келе жатырған ақындарымыздың ізін жалғаушы жас ақындарды елге таныту, шығармашылығын насихаттау.

         Кеш қонақтары Республикалық ақындар айтысының жеңімпазы Нұрмат Мансұровтың төл шәкірті, Республикалық, облыстық жыр мүшайраларының бас жүлдесін иемденіп жүрген жас ақын Арыстанов Алпамыс,  Бектай Ұлықбек, Қалиев Мақсат. Шара барысында оқырмандар жас таланттардың тырнақ алды туындыларымен танысып, қонақ кәде сұрады. «Өлеңім өмір айнасы» атты кітап көрмесіне библиографиялық шолу жасалып, естелік суретке түсті.