«Қазақтың бұлбұлы» Әнші Бибігүл Төлегенова 95 жаста15 қараша күні Әбділда Тәжібаев атындағы облыстық әмбебап ғылыми кітапханасы Қазақстанның Халық әртісі, әнші Бибігүл Төлегенованың 95 жылдығына орай «Қазақтың бұлбұлы» атты ән кешін ұйымдастырды. Шараның мақсаты – жастарға қазақтың бұлбұлы атанған опера әншісі, актриса әрі педагог, Социалистік еңбек ері, КСРО халық әртісі, КСРО мемлекеттік сыйлығының лауреаты Бибігүл Төлегенованың өмірі мен шығармашылығын жақын таныстыру. Шараға Қазанғап атындағы музыкалық жоғары колледж оқытушылары мен студенттері қатысып, әншінің репертуарындағы әндерін орындады. Шара барысында әншінің өмірі мен шығармашылығына арналған көрме таныстырылды.    
|
