«Жанға жайлы жүздесулер» 18 наурыз күні «Жанға жайлы жүздесулер» жобасы аясында М.Ықсанов атындағы Қызылорда политехникалық колледжінің студенттері кітапханада қонақта болды. Жобаның негізгі мақсаты – кітап оқуға тарту және мәдени демалыс түрлерін ұсыну арқылы жастарға уақытын тиімді өткізу үшін жағдай жасау. Жастар ең алдымен бөлімдерге саяхат жасап, кітапхананың күнделікті тыныс-тіршілігімен танысты. Қорға келіп түскен жаңа әдебиеттермен, мерейтой иелеріне арналған, республикалық «Бір ел-бір кітап» акциясы аясында дайындалған кітап көрмелерімен таныстырылып, шолу жасалды. «Этюд» дизайн және кескіндеме арт-студия оқушыларының шығармашылық жұмыстарымен жақын таныстырылды. Саяхат соңында жастарға қытай қазақтары түсірген «Гүлбике» фильмі көрсетілді.    
|
