СЫБАЙЛАС ЖЕМҚОРЛЫҚ - ҚАУІПТІ КЕСЕЛ6 ақпан күні Ә.Тәжібаев атындағы облыстық әмбебап ғылыми кітапханасы М.Ықсанов атындағы Қызылорда политехникалық колледжінде «Сыбайлас жемқорлық – қауіпті кесел» атты танымдық кеш ұйымдастырды.Мақсаты – сыбайлас жемқорлықтың қоғамға зиянды әсері мен оны жою жолдары туралы ақпараттандыру. Жастар арасында сыбайлас жемқорлыққа қарсы шаралардың тиімділігін арттыру және олардың сыбайлас жемқорлыққа қарсы күреске белсенді қатысуын ынталандыру.Шараға ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті Превенция басқармасы басшысының орынбасары Ж.Жүсіпәлиев, СЖҚІҚА-нің Қызылорда облысы бойынша департаменті Сотқа дейінгі тергеу басқармасының аса маңызды істер жөіндегі тергеушісі Т.Еркінбекұлы және аталған колледж оқытушылары мен студенттері қатысты.Мамандар сыбайлас жемқорлықтың алдын алу, жастарды рухани-адамгершілікке тәрбиелеу, жемқорлыққа қарсы мәдениетті қалыптастыру туралы баяндады. Жастар мамандарға өздерін толғандыратын сұрақтарын қойып, тұшымды жауаптарын алды.Оқырмандар назарына «Адал ұрпақ-жарқын болашақ» атты кітап көрмесі ұсынылды.    
|
