ЕҢБЕК АДАМЫ - ЕЛ ТІРЕГІ

11 ақпан күні  облыстық кітапханада жұмысшы мамандықтарды дәріптеу арқылы қоғамда еңбекқор және нағыз маман болып қалыптасу идеясын насихаттау мақсатында «Еңбек адамы – ел тірегі» атты ақпараттық сағат ұйымдастырылды.  

Шара барысында кітапхана қызметкерлері жастарға мамандық таңдауда әр адам өзінің қызығушылығына, қабілетіне, бейімделігіне сүйену қажет екендігі жайлы тоқталып, әрбір жас адамның мамандық таңдаудағы жауапкершілігі мен нақты қадамы жайлы кеңінен айтты.

Сонымен қатар «Мамандық таңдау - маңызды қадам» кітап көрмесі ұйымдастырылды. Бұл көрме еңбек мамандықтарының маңыздылығына назар аударып, жұмысшы мамандықтарының беделін арттыруға және еңбек нарығында сұранысқа қажетті мамандықтармен танысуға көмектеседі.

Көрмеде көптеген мамандықтар бойынша оқу құралдары мен материалдар ұсынылды. Атап айтсақ, А.Қозыбайдың «Мамандыққа кіріспе», К.Елшібаеваның «Мамандық таңдауда өзін-өзі анықтау»,  Е.Умбеткұлова мен О.Долдаевтың «Ауыл шаруашылығын электрмен жабдықтау», Б.Алиев, К.Өстеміров, Г.Мамедалиеваның «Тракторшының анықтамалығы», сондай-ақ «Мамандық таңдауға байланысты жүргізілетін ойын-жаттығулар», «Мамандық таңдай білеміз бе?» атты тақырыптағы мақалалармен танысуға болады.