Жүректегі жазуларӘ.Тәжібаев атындағы облыстық әмбебап ғылыми кітапханасында Қорқыт ата атындағы Қызылорда мемлекеттік университетінің доценті, «Бейбітшілік әлемі» атты халықаралық жазушылар одағының мүшесі Ш.Бекмағамбетовтың «Жүректегі жазулар» атты поэзия кеші өтті. Бекмағамбетов Шанжархан 1950 жылы Қызылорда облысы Арал ауданы Қасқақұлан ауылдық кеңесінде дүниеге келген. Қорқыт ата атындағы Қызылорда мемлекеттік университетінің Қазақ тілі кафедрасында оқытушылық қызмет атқара жүріп, жалпы тіл білімінің аса өзекті мәселесі болып табылатын тілдік негіздер, тілдік символдар мәселелерімен айналысып, тілдік таңба туралы жаңаша ғылыми көзқарас қалыптастырды. Бұл мәселелер Ш.Бекмағамбетовтің «Тілдік таңба - нышандық жүйе: лингво-философиялық аспект» атты докторлық зерттеу жұмысының негізгі өзегі. Аталған тақырыпқа байланысты 40-қа жуық мақалалары жарияланған. Іс – шара барысында кітапхана оқырмандары ақынның өлеңдерін оқып, әндерін шырқады.
|
