Бір ел-бір кітап

«Бір ел, бір кітап» акциясы


    "Бір ел-бір кітап"республикалық акциясының ұйымдастыру комитеті 2016 жылғы кезекті жыл кітабын таңдау мақсатында Ұлттық академиялық кітапханасында бас қосты. Еліміздің белгілі ғалымдары мен ақын-жазушылары, облыс кітапханаларының басшылары қатысқан отырыста жабық дауыс нәтижесі бойынша зар заман ақындарының арасындағы жарық жұлдыз –Дулат Бабатайұлының "Өсиетнама" кітабы жыл бойы оқылатын болды.

Дулат Бабатайұлы– ХІХ ғасырдағы қазақ поэзиясының ірі өкілі, халқымыздың басына қара бұлт төніп, жерімізді отарлау саясаты басталғанда ұлт-азаттық қозғалысын жалпыұлттық сыпатта бірінші болып қозғаған ақын.

 

Тұңғыш өлеңдер жинағы 1880 жылы Қазан қаласында "Өсиетнама" деген атпен жарыққа шыққан. Ақын өлеңдерінің тілі суретті, көркемдігі терең, тәрбиелік мәні зор.

"Ұлы ақынның өзі айтқандай сөз ұғатын, ой қадірлейтін әр адамның таным көкжиегін кеңейтуге ат салысар қадау-қадау ой түйіндері Дулат Бабатайұлының өмір таным толғамдары арқылы ұлттық қана емес, жалпыадамзаттық биіктіктен үн қатады. Егер философияны даналықты сүю деп түсінер болсақ, онда Дулат өлеңдері тереңінде тұнып жатқан тағылымды көзқарастар өзіне дейінгі де, өзінен кейінгі де ұлттық танымды жете зерделеуге жол ашатын дәйекті дәнекер, байыпты байлам, тұғырлы тұжырымдар деп бағалауға әбден лайық"

халқымыздың басына қара бұлт төніп, жерімізді отарлау саясаты басталғанда ұлт-азаттық қозғалысын жалпыұлттық сыпатта бірінші болып қозғаған ақын.
     Барша қала тұрғындарын Дулат Бабатайұлының шығармаларын оқуға шақырамыз!
  
     Дулат Бабатайұлы "Өсиетнама" кітабына буктрейлер


 

 

      «Бір ел – бір кітап» акциясын ұйымдастыру комиссиясының шешімі бойынша 2015 жылы жалпыхалықтық оқуға І.Есенберлиннің «Көшпенділер» трилогиясы таңдалды.

     Аса көрнекті жазушы, Қазақстанның мемлекеттік сыйлығының иегері Ілияс Есенберлиннің туғанына 100 жыл толуына орай және «Бір ел-бір кітап» акциясы аясында «Көшпенділер» трилогиясын насихаттау мақсатында жыл көлемінде Қызылорда облысы кітапханалары бойынша атқарылатын шаралар жоспары бекітіліп, насихат жұмыстары басталды.
     «Көшпенділер» трилогиясының алтын желісі, негізгі өзегі - қазақ халқының саясат бұғауы, шовинизм құрсауымен беймәлім болып келген тарихын өзіне таныту болды. Кітап 3 млн данамен 50 реттен аса шығарылып жарық көрген, әлемнің 30 тіліне аударылған бұл шығарма уақыт өткен сайын тарихи құндылығымен биікке көтерілуде. Қазақ хандығының құрылғанына 550 жыл толуы кезеңімен тұспа-тұс келген кезеңде «Көшпенділер» тарихи шығармасын ел болып оқып, танысып, талқылаудың жас ұрпақты патриоттық рухта тәрбиелеуде маңызы зор.
        Барша қауымды І.Есенберлиннің «Көшпенділер» трилогиясын жаппай оқуға шақырамыз!

    Ә.Тәжібаев атындағы  облыстық әмбебап ғылыми кітапханасының  балалар әдебиеті бөлімі өз оқырмандарын жыл кітабы – Ілияс Есенберлиннің «Көшпенділер» трилогиясын   оқуға шақырады.  Наурыз айынан бастап «Оқы, талқыла, ұсын...» атты кітап марафонының басталғанын жариялаймыз,  қорытындысы қыркүйек айында шығады.
  «Кітап марафонының» жеңімпаздары «Кітапқұмар», «Ең үздік ұйымдастырушы», «Ең көп оқыған  сынып», «Ең көп окыған  мектеп», «Ең үздік эссе»  т.б. номинациялармен марапатталады. 
   «Оқы, талқыла, ұсын...»- «Прочитай, расскажи, передай...»-кітап марафонына»  қатысыңыздар!
    


 




 

  

 

Ілияс Есенберлин "Көшпенділер"

 

«Бір ел - бір кітап» акциясы аясында 2017 жылдың таңдауы – Сұлтанмахмұт Торайғыровтың шығармалары.


«Бір ел – бір кітап» республикалық акциясы аясында «Жалындап өткен жас ғұмыр» атты поэзия кеші өтті.

14 сәуір күні Ә.Тәжібаев атындағы облыстық әмбебап ғылыми кітапханасында «Бір ел – бір кітап» республикалық акциясы аясында 2017 жылы таңдалып алынған қазақ әдебиетінің ірі тұлғасы, аса көрнекті ақын Сұлтанмахмұт Торайғыровтың шығармашылығына арналған «Жалындап өткен жас ғұмыр»атты поэзия кеші өтті.

«Бір ел – бір кітап» акциясы ҚР Мәдениет министрлігінің қолдауымен ҚР Ұлттық академиялық кітапханасы мен ҚР Кітапханашылар Ассоциациясы бастамасымен 2007 жылдан бастап өткізіліп келеді. Ерекшеліктердің бірі бір мезгілде бүкіл ел болып бір кітапты оқып-талқылау болып табылады. Акцияның мақсаты – қазақ әдебиетін көпшілікке танымал ету, қоғамның кітап оқуға және Қазақстанның әдеби мұрасын зерттеуге деген қызығушылығын арттырып, өскелең ұрпақтың рухани дамуына ықпал ету.

Ұлттық әдебиетіміздегі ең үздік деген туындыны оқу және насихаттау.

Поэзия кеші сахналық көрініспен басталады.

Қараңғы қазақ көгіне,

Өрмелеп шығып, күн болам!

Қараңғылықтың көгіне

Күн болмағанда кім болам?

Сахарада өмір кешіп, үш түрлі жолда жүрген қазақ балаларының тағдыры көрсетілді. Ақын өмірдің бұралаң жолдарын көзбен көріп, көкірегіне түйіп, жырлап кеткен. Талмай ізденіп, қиындықпен алысып, шындық жолын табуға талпынған, өз тағдырын өзі жасаған, өмірі мен тағдыры өлеңінде өрілген ақын.

Кеш барысында кітапхана оқырмандары С.Торайғыровтың шығармаларынан өлеңдер оқыды. Ақынның көзін көрген замандасы Әлкей Марғұланның 1940 жылғы, туысы Шәйбай Аймановтың 1960 жылы айтылған естелігін және заманауи жазушы Роллан Сейсенбаевтың пікірін қатысушылар көрініс арқылы тыңдады және ақын ғұмырының бір үзік сырын баяндайтын сахналық қойылымды тамашалады. Көк аспанды осып өткен жасын отындай қысқа ғана тіршілігінде ұлан – ғайыр жыр жазып, артына мол мұра қалдырған ардақты ақын туралы ой-толғаныстар кеңінен талқыланды. Шараға қатысушылар «Адасқан өмір» поэмасын тыңдай отырып, жыр жолдарынан ақынның өз өміріне шолу жасағанын аңғарып, ерекше толғаныста болды.

2007 жылдан 2017 жыл аралығында «Бір ел – бір кітап» акциясы бойынша жыл кітабы атанған шығармалардың шеруі көрсетіліп, кітап көрмесіне шолу жасалынды. Кеш соңында мерекелік шағын концерт ұйымдастырылды.

Қатысушылар: Қорқыт ата атындағы ҚМУ профессоры Қ.Құдайбергенов, «Әлімсақ» журналының редакторы Н.Көбегенұлы, ақын Р. Наурызбаева,БАҚ өкілдері, оқу орындарының студенттері.


 

 

 

 

 




 

 

 

 


 


 

 


 

 

 

 


22 желтоксан 2014 ж. 12:41
32 қарау