ӘЛІМАЕВ КӘРІБОЗ

     Әлімаев Кәрібоз 1936 жылы Қазалы ауданы, Бозкөл ауылында дүниеге келген. Еңбек ардагері, Социалистік Еңбек Ері (1967). Ауыл шаруашылық механикаландыру училищесін бітірген. 1959 жылдан «Бозкөл» кеңшарында механизатор болып жұмыс істеді. Әлімаев жер жырту нормасын 1964-66 ж. 141,4 – 158%-ға орындаған. 1966 жылы 528 га егістіктің орнына 1031 га жер жыртып, оны тұқым себуге әзірледі, сменалық 3 гектар норманы 7 гектар етіп орындады. Оның күріш өсірушілер бригадасы көлемі 125 гектар егістің әр гектарынан 33 центнерден дән бастырды. Қоғамдық малға жемшөп дайындау және оны мал қораларына жеткізу жұмыстарына да белсене қатысады. Тек қараша, желтоқсан айларында мал базаларына 300 тоннадан астам жемшөп тасып жеткізді.

   Осы еңбектегі жетістіктері үшін оған СССР Жоғарғы Советі Президиумының 1967 жылғы 19 ақпандағы Жарлығымен Социалистік Еңбек Ері атағы берілді.

 

 

04 мамыр 2015 ж. 15:10
0 қарау
Пікір қосу
Аты-жөні: *
E-mail: *
Пікір:
Код: Кликните на изображение чтобы обновить код, если он неразборчив
Кодты енгізіңіз: