«Қалтай әлемі» атты танымдық сағат

     Қазақстанның Халық Жазушысы, драматург, публицист Қалтай Мұхамеджановтың шығармашылығына арналған «Қалтай әлемі» атты танымдық сағатта жазушының жеке кітапханасы таныстырылды.

     Шараның мақсаты - Қалтай Мұхамеджановтың өмір жолы мен өнер жолын насихаттау. Шығармаларынан үлгі боларлық адами қасиеттерді жастарға көрсету.

    Бұл шараға ҚМУ профессоры Қ.Құдайбергенов, И.Әбдікәрімов атындағы агро-техникалық колледжінің мұғалімдері мен студенттері және №1Қалтай Мұхамеджанов атындағы мектеп-гимназиясының жоғары сынып оқушылары қатысты. Жазушының өмір жолы мен шығармаларына шолу жасалынды. ҚМУ профессоры Қ.Құдайбергенов «Ұлт мүддесінің күрескері» тақырыбында ізденістерін ортаға салды. №1Қалтай Мұхамеджанов атындағы мектеп-гимназияның мұғалімі жазушының драматургиясы жайлы баяндама жасады. И.Әбдікәрімов атындағы агро-техникалық колледжінің мұғалімі Л.Шакиева студенттерімен шығармашылығы туралы пікірлерін ортаға салды.

    Кітапхананың тұрақты оқырмандары: А. Абдиева, Қ.Абдиев және Л.Байкежеева жазушының кітаптарынан алған әсерлерімен бөлісті. Ұстаз бен шәкірттің орындауында Балтабаева Айзат пен Сейтқали Бексұлтанның Қалтай Мұхамеджановқа Ә.Тәжібаев пен А.Тайтөлеудің арнауын оқыды. Шараның соңында жазушының кітаптарына шолу жасалынды.