«Тарихи ескерткіштер – ұлт құндылығы» атты тарихи кеш ұйымдастырылды

         17 сәуір күні  облыстық кітапханада  Халықаралық ескерткіштер мен тарихи орындар күніне орай  «Тарихи ескерткіштер – ұлт құндылығы» атты тарихи кеш ұйымдастырылды.

      Мақсаты–оқырмандарды тарихи-мәдени орындармен, ұлттық құнды жәдігерлермен таныстыру, оларды құрметтеуге, мәдени мұраларымызды қастерлеп сақтауға баулу.

       Шараға Қорқыт Ата атындағы Қызылорда университетінің аға оқытушысы Б.Ахметбек, «Ақмешіт» музейі филиалының ғылыми қызметкері Г.Әубәкір  және №257 орта мектептің жоғары сынып оқушылары қатысты. Кеш қонақтары  ежелгі Сыр өңірінің қасиетті киелі орындары, тарихи ескерткіштері мен кесенелері, Қызылорда қаласындағы сәулет-өнер ескерткіштерінің тарихы, ұлттық тарихымыз бен мәдениетіміздің құнды жәдігерлері  ескерткіштерді қорғау және оны келешек ұрпаққа аманаттаудың маңызы туралы баяндады.

          Оқырмандар назарына  «Ескерткіштер-тарих куәсі»  атты кең көлемді кітап көрмесі ұсынылды.