ДІНІСЛАМОВ ӘБУША
1934 жылы Қызылорда
облысы, Қазалы ауданының Арықбалық ауылдық кеңесінде дүниеге келген. Еңбек жолын 1946 жылы буыны қатпаған бала кезінде бастаған Әбуша соғыстан кейінгі
ауыр кезеңдерде қара жұмыстың отына қақталып өсті. Қазалы докомотив депосында
жөндеуші, байланыс бөлімшесінде шебер болып жұмыс істеген. Алпысыншы жылдардың
аяқ шенінен туған ауылында күріш өсірумен айналысты. Еңбекқор диқан Сыр күрішін өсірудің тәсілін терең игерді. Әр гектардан 25 центнерден өнім алды. 1972 жылы
мол өнімге қол жеткізгені үшін Еңбек Қызыл Ту орденін, ал 1975 жылы Ленин
орденімен марапатталған. СССР халық шаруашылығы жетістіктері көрмесінің бір
күміс және екі қола медальмен марапатталды. 1981 жылы астық және басқа да
ауылшаруашылық өнімдерін өндіріп, мемлекетке сатуды ұлғайту жөніндегі
социалистік міндеттемелерді орындауда жоғарғы нәтижелерге жеткені және
еңбектегі ерлігі үшін СССР Жоғары Советі Президиумының 1982 жылғы 22 ақпандағы Жарлығымен Абуша Дінісламовке Социалистік Еңбек Ері атағы берілді. 1997 жылы 13
шілдеде қайтыс болды. Туған ауылында даңғайыр диқанның атында көше бар.
|
