«Бір ел - бір кітап» акциясы аясында көрнекті жазушы Бердібек Соқпақбаевтың «Менің атым Қожа» повесі бойынша оқырмандар конференциясы ұйымдастырылды

        17 қазан күні облыстық кітапханада  «Бір ел - бір кітап» акциясы аясында  көрнекті жазушы Бердібек Соқпақбаевтың «Менің атым Қожа» повесі бойынша оқырмандар конференциясы ұйымдастырылды.Мақсаты - Қожа бейнесі арқылы, оқушыларды адамгершілікке, мәдениеттілікке, жағымсыз қасиеттерден аулақ болуға тәрбиелеу, мәтіннің негізгі ойын, идеясын  ұғындыру, өз ойларын, пікірлерін еркін айтуға баулу.

       Шараға Е.Әуелбеков атындағы №4 облыстық мамандандырылған  мектеп-лицей-интернатының кітапханашысы Г.Алтынбекова, жетекшісі Г.Байарыстанова және жоғары сынып оқушылары, "Өркениет" медициналық колледжінің студенттері  қатысты. Оқырмандар  қазақ балалар әдебиетінің озық туындыларының бірі саналатын «Менің атым Қожа» повесіне және осы повесть бойынша түсірілген фильмді тамашалай отырып, жан-жақты талдау жасады. Повестегі Қожа, Сұлтан, Жантас тәрізді кейіпкерлер бейнесіне мінездеме беріп, мәтіннің негізгі ойы, идеясы туралы өз ойларын ортаға салды.