Ә.Тәжібаев атындағы облыстық кітапханасы Қорқыт Ата атындағы Қызылорда универсетінің, Қызылорда «Ашық» университетінің 1 курс студенттеріне Ашық есік күнін ұйымдастырды

             Ә.Тәжібаев атындағы облыстық кітапханасы Қорқыт Ата атындағы Қызылорда универсетінің, Қызылорда «Ашық» университетінің 1 курс студенттеріне Ашық есік күнін ұйымдастырды. Мақсаты – кітапханаға жаңа оқырмандар тарту, оларды кітапхана ережелерімен, жаңа ақпараттық мүмкіндіктермен таныстыру және кітап оқуға деген қызығушылығын арттыру.

          Оқырмандар кітапхана қорына жаңадан келіп түскен әдебиеттер көрмесімен және Сыр елін, туған жерін өмірінің соңына дейін жырлап өткен ақын Ә.Тәжібаев мұражайында сақталған ақынның қолжазбаларымен, құжаттарымен,  кітаптары мен тұрмыстық заттарымен танысты. Жастарға Қазақстанның халық жазушысы, драматург Қалтай Мұхамеджановтың жеке кітапханасына қойылған кітаптары, мерейтойларына арналған көптеген сыйлықтары, құттықтау хаттары мен фото-материалдары, сонымен қатар сирек және құнды кітаптары, сондай-ақ «Кітапхана-білімпаздар мекені» атты кітап көрмесі таныстырылды.

          Жастар кітапханадағы жұмыс жасайтын «Жас қалам», «Кездесу» клубтары, корей тілін үйрету үйірмесі және «ВООК саfе», АРТ студия аясындағы түрлі үйірме жұмыстарымен    танысып, құнды мағлұматтар алды.