2019 жылы 22 мамыр күні Ә.Тәжібаев атындағы облыстық әмбебап ғылыми кітапханасында Қазақстандық геология мектебінің негізін салушы, Ұлттық Ғылым академиясын ұйым­дас­тырушы әрі оның тұңғыш президенті, қоғам және мемлекет қайраткері Қаныш Сәтбаевтың туғанына 120 жыл толуына орай  «Рухани жаңғыру: тұлға  тағылымы» атты  кітап көрмесі ұйымдастырылды.

Көрменің мақсаты алғашқы қазақ геологы, академик Қ.И.Сәтбаевтың өмір жолы, қайраткерлік қызметімен таныстыру.

Көрмеге  ғалымның өнегелі өмірі, ғылыми еңбектері, Қазақстанның ғылыми салаларына қосқан үлестері жайлы материалдар мен ғалым туралы жазылған кітаптар мен мақалалар қойылды.