Әрбір жылдың 1 маусымы –«Халықаралық балаларды қорғау күні» ретінде аталып өтіледі. Балалар күні - әлемнің көптеген елдерінде танымал күн.

       Ә.Тәжібаев  атындағы   облыстық   әмбебап ғылыми  кітапханасының балалар әдебиеті бөлімі  «Бала жүрегіне қуаныш сыйлаймыз» атты  мерекелік шара өткізді.

        Мерекеге Талсуат елді мекеніндегі облыстық балаларға арналған психоневрологиялық интернатында емделуші балалар, мүмкіндігі шектеулі балалар  және «Рауан» интеллектуалды шығармалық клубының   белсенді мүшелері, ұстаздар, тәрбиешілер, ата-аналар қатысты. 

        Интернат балалары  ән шырқап, би биледі,  соңынан балалар бөлімінің белсенді оқырмандары дайындаған  мерекелік концертті тамашалады. Қатысушылар психоневрологиялық интернатында емделуші балалар дайындаған қолдан жасалған заттардың  көрмесін тамашалады.  Мереке  соңында   балаларға  балмұздақ  үлестірілді.