Ә.Тәжібаев атындағы облыстық әмбебап кітапханасы ұжымының қолдауымен Мамандандырылған сәбилер үйінде «Күн шуағын сыйлаймыз» атты қайырымдылық акция ұйымдастырды.

     Бұл акцияға кітапхананың « Жауқазын-ғұмыр» клубы мүшелері де белсене атсалысты. Бүдіршін балаларға арналып «Шалқан» ертегісінен қойылым көрсетіліп, би беленді.

     Әр сәбидің жанарына шаттық сыйлаған шара барысында балаларға арналған түрлі түспен көркем безендірілген ертегі, танымдық кітаптар, арнайы сыйлықтар тарту етілді.

     Бұл күні балалар шексіз шаттық пен қуанышқа бөленді.