3 мамыр күні Ә.Тәжібаев атындағы облыстық әмбебап ғылыми кітапханасында  Ұлы Жеңіс мерекесіне арналған «Жеңіс жолдары» атты сурет көрмесі  ұйымдастырылды.

    Өскелең ұрпақтың патриоттық рухта тәрбиелеу, Ұлы Отан соғысы жайлы  жазылған әдебиеттерге қызығушылығын арттыру мақсатында өткізілген  шараға кітапхананың оқырмандары қатысты.

    Балалар Ұлы Отан соғысындағы  жауынгерлер ерліктерімен, батырлығын бейнелейтін әдебиеттерден алған әсерлерін қағаз бетіне түсірді. Көрермендер назарына 5-16 жас аралығындағы  жас суретшілердің 50-ден астам  жұмыстары ұсынылды. Сурет көрмесімен оқушылар, балабақша тәрбиеленушілері мен  кітапхана оқырмандары танысты.