2019 жылы 4 наурыз күні Ә.Тәжібаев атындағы облыстық әмбебап ғылыми  кітапханасында  «Мен өз Отанымның патриотымын» атты әдеби оқу ұйымдастырылды.

Мақсаты: оқырмандарды Отанды сүюге, құрметтеп қастерлеуге, өз елін,  тарихын білуге тәрбиелеу; таным белсенділіктерін, қызығушылықтарын дамыту, патриоттық, эстетикалық, адамгершілік тәрбие беру, өз ой - пікірін білдіре алатын азаматтарды  тәрбиелеу.

Ұлтымыздың тарихын білу, өз елінің өткен тарихын мақтаныш тұту - әрбір Қазақстан азаматының парызы.

 «Кітап әлемі адамды арман биігіне самғатады, ақыл – ой әлеміне шарлатады» демекші, М.Мәметова атындағы жоғарғы колледж  және «Өркениет» медициналық колледжінің  студенттері оқыған кітаптарынан алған ойларын ортаға салып ой бөлісті.

Кеш соңында қатысушыларға алғыс хаттар табысталды.