«Отбасымызбен кітапханаға» /Халықаралық отбасы күні/

    Ә.Тәжібаев атындағы облыстық кітапханада 15 мамыр - Халықаралық отбасы күніне арналған «Отбасымызбен кітапханаға» атты шара өтті.

   Балаларды жас кезінен кітап оқуға қызықтырып, отбасылық оқу дағдыларына бейімдеу, кітапхана мен отбасы арасындағы тұрақты қарым-қатынасты қалыптастыру  мақсатында ұйымдастырылған шараға Азамат, Тастыбай, Шарап, Ниетулла отбасы мүшелері қатысты. Қатысушылар  баланың  кітап оқуға деген қызығушылығын арттыру жөнінде және оқыған қызықты кітаптары жайында  пікір алмасып, танымдық-викториналық сұрақтарға  жауап берді. Кітапхана қорына түскен жаңадан әдебиеттермен танысты.