«Ағалардың алақаны»

   15 сәуір күні көрнекті қаламгер, драматург, ҚР халық жазушысы Сафуан Шаймерденовтің «Ағалардың алақаны»  кітабын талдау шарасы ұйымдастырылды. Шараның мақсаты: С.Шаймерденовтің шығармашылығын оқырман қауымға тереңірек таныстыру, кітаптағы адамгершілік құндылықтарды насихаттау. Жазушының бұл кітабында М.Әуезов, С. Мұқанов, Г. Мүсрепов, Б. Момышұлы туралы эссе-естеліктерімен қатар, өмірбаяндык повестер мен әңгімелері  жинақталған.  Кітапта ағалардың  асыл қасиеті, үкілеп ұстар үлгісі, інінің ағаға ізеті, ілтипаты баяндалған. Қаламгер көрген білгендері мен естігендерін әңгімелей отырып, философиялық түйіндеулер жасаған. Шараға қатысқан жастар «Ағалардың алақаны» кітабындағы үлгі өнеге болатын келелі  ғибратты әңгімелері жайлы өз пікірлерімен бөлісті. Шара аясында  «Қарымды қаламгер, сыншыл азамат» тақырыбында көрме жасалынды.