«Жаңа кітаптар – жаңа мүмкіндіктер» атты кітап көрмесі

    17 қаңтар күні облыстық кітапханада жаңа әдебиеттерді оқырмандарға таныстыру, кітап оқуға деген қызығушылығын арттыру, кітап оқу мәдениетін қалыптастыру мақсатында  «Жаңа кітаптар – жаңа мүмкіндіктер» атты кітап көрмесі ұйымдастырылды.

     Кітап көрмесіне тіл  мен діл, адам мен қоғам арасындағы тылсым байланыс туралы баяндалған Ұлықбек Есдәулеттің «Қарғалдақ», ұлттың арман-аңсары, жас ұрпақтың болашағы және тәуелсіздік туралы  толайым толғаныстар мен сындарлы ой-толғамдары айтылған Думан Рамазанның «Дәрмене», Мадина Омарованың «Менің қаһарман шөберем», бүгінгі рухани жаңғыру заманындағы балалардың әрқилы әрекеті, өмірге құштарлығы, жаңашылдығы сөз етілген Дәнеш Ахметтің «Көк тудың желбірегені», оқиға желістері сенімді, тіл оралымы оңтайлы, заманауи оқиғалар желісіне құрылған Зияш Телеуованың  «Бет перде» кітабы және басқа да жаңа әдебиеттер қойылды.