«Наурыз - құт береке бастауы» атты кітап көрмесі

         14  наурыз  күні  кітапханада Көрісу күні - Амал мерекесіне арналған «Наурыз - құт береке бастауы» атты кітап көрмесі ұйымдастырылды.

     Көрменің мақсаты: Наурыз мерекесі туралы түсінік беру, салт-дәстүрін, ұлттық киімдерін, тағамдарын, ойындарын насихаттай отырып, әр азаматтың өз ұлтына деген сүйіспеншілігін арттыру.

       Амал мерекесі күні халық қыстан аман-есен шыққанына, көктемге аяқ басып, туған-туыс, көрші-көлеңмен жүздескеніне қуанып, төс қағысады. Бір-біріне деген өкпе - ренішті ұмытып, амандық тілейді. Бүкiл Шығыс халқына ортақ бұл мейрамда араздасқандар татуласып, дүйiм халық, мұқым ел ауызбiршiлiкте болады. Осындай салт-дәстүр – халықтың рухани өзегі, мәдениетінің діңгегі, тілінің тірегі.

    Көрмеге қойылған кітаптар мен газет-журнал бетіндегі мол мағлұматтар өз халқының мәдениеті мен этнографиясын танып білгісі келетін әркімге пайдасы мол болмақ.