Саңлақ сазгер Композитор Рамазан Тайманов 70 жаста

         4 қазан күні Әбділда Тәжібаев атындағы кітапханасы ҚР Еңбек сіңірген қайраткері, Қазақстан композиторлар Одағының мүшесі Рамазан Таймановтың 70 жасқа толуына орай «Саңлақ сазгер» атты  кездесу кешін ұйымдастырды.

          Шараның мақсаты – сазгердің өнер жолын өскелең ұрпаққа үлгі ету, өмірі мен шығармашылығын жақын таныстыру, жастарды музыка өнеріне деген сүйіспеншілігін арттыру.

      Шара барысында сазгердің әндерінің шығу тарихы таныстырылып, композиторға сұрақтар қойылды. Кездесу кешіне облыстық филармония әншілері, І Республикалық «Сыр ана» әншілер байқауының жеңімпаздары қатысып, композитордың әндерін орындады. Шара соңында шығармашылығына арналған көрме таныстырылды.