«Дара болмыс иесі» атты еске алу кеші

        24-қыркүйек күні облыстық кітапханада мемлекет және қоғам қайраткері Сейілбек Шаухаманұлы Шаухамановтың туғанына 85 жыл толуына орай  «Дара болмыс иесі» атты  еске алу кеші ұйымдастырылды.

        Еске алу кешіне Қазақстанның еңбек сіңірген қайраткері, Денсаулық сақтау саласының үздігі, ардагер Маханов Тұрғанбай Маханұлы, Қазақстанның еңбек сіңірген қайраткері, «Парасат» орденінің иегері, қаржы саласының үздігі Әжібеков Қалқазбек Әжібекұлы, ардагер-журналист  Мырзахметұлы Қайырбек, «Қазақ ССР Халық ағарту ісінің озық қызметкері», «Ыбырай Алтынсарин» медалінің, «Құрмет» орденінің  иегері Ермағамбетова Күлай Сағындыққызы және мәдениет саласының ардагерлері қатысты.

       Шарада С. Шаухамановтың қайраткерлігі, адалдығы жайында, қоғам мен халық алдындағы жоғары жауапкершілігі, көптеген алқалы жиындардағы өткір сөзі мен пайымды пікірлерін  айтып еске алды.

     Сондай-ақ шара барысында С.Шаухаманов атындағы №9 дарынды балаларға арналған облыстық "Білім инновация" лицей-интернатының оқушылары өлеңдерін окып, дәстүрлі орындаушы Бақдаулет Қарғабаев әннен шашу шашты.

        Шара соңында  «Тағылымы мол тұлға» атты кітап көрмесімен танысты.