Жүрек жылуымен

    Ә.Тәжібаев атындағы облыстық әмбебап ғылыми кітапханасының балалар әдебиеті бөлімі «Жүрек жылуымен» атты  қайырымдылық марафоны аясында 10 ақпан күні «Кітаптар қалашығына саяхат» ұйымдастырды.

      Саяхатқа  әлеуметтік жағынан аз қамтылған Зейдінәбі, Абылаев  отбастары  шақырылды.  Мақсаты, қоғамдағы көмекке мұқтаж жандарға қолұшын беру және балаларды мейрімділікке, ізгілікке шақыру. 

       Зейдінәбі, Аблаевтар отбастары мүшелері  «Балақай, оқы қызық», «Сиқырлы ғажайып әлем» атты  кітап көрмелерімен таныстырылды. Балалар «Ойлан,тап» атты викториналық сұрақтарға жауап беріп, мультфильм тамашалады, «Тәжібаев мұражайына» және «Тәуелсіз Қазақстан» залына саяхат жасады.  Саяхат  соңында   балалар бөлімінің оқырмандары үшем Зейдінәбі Аян, Арайлым, Аяулым және Абылаев Мақсатқа сыйлықтар берілді.

   Әлеуметтік жағынан аз қамтылған  Зейдінәбі, Абылаевтар  отбасы және  №6 есту қабілеті нашар  балаларға  арналған  түзету мектеп-интернатының  7 сынып оқушылары М.Мақатаевтың 85 жылдығына  арналған «Өмір-өлең» атты жыр кешіне қатысты.