«Даналықтың бәрі - кітапта» атты әдеби қонақжай

    Ә.Тәжібаев атындағы облыстық әмбебап ғылыми кітапханасы 2021 жылдың 12 қаңтар күні Қазақстан Республикасы Тәуелсіздігінің 30 жылдығына орай жас оқырмандар арасында мәдени-танымдық көзқарасын және шығармашылық ынтасын арттыру мақсатында «Даналықтың бәрі – кітапта» атты кітапхананың тұрақты оқырмандарымен «Кездесу» клубының отырысы және әдеби қонақжай ұйымдастырды. Шара барысында «Кездесу» клубы мүшелері  жалпыхалықтық оқуға  берілген «Тәуелсіздігіміздің 30 жылдығына – 30 кітап» рухани-мәдени акциясы туралы ой бөлісіп, оқырман жүрегінен  орын табады деген сенімдерін білдірді.  Кеш барысында 2021 жылға клуб мүшелерінің жоспарланған жұмысы және ұсыныстары талқыланып, сонымен қатар жаңадан оқырмандар «Кездесу» клубына қосылды.