«Г.Х. Андерсен ертегілеріне саяхат» -ертегі-шоу

       Ә.Тәжібаев атындағы облыстық әмбебап ғылыми кітапханасының балалар әдебиеті бөлімі 26 маусым  күні «Г.Х.Андерсен ертегілеріне саяхат» атты ертегі-шоу өткізді. Шараға №198 орта мектептің «Планета детства»  жазғы  тынығу лагерінде демалушы балалар қатысты. Балалардың сүйікті ертегішісі Ганс Христиан Андерсен биыл 210 жасқа толды.  Іс-шараның басты мақсаты: балаларды  ертегішінің өмірбаянының қызықты деректерімен таныстыру, Г.Х.Андерсеннің шығармашылығына қызығушылықтарын ояту, эстетикалық талғамын дамыту, оқу мәдениетіне тәрбиелеу, шығармашылық қабілеттерін ашу.

       Ертегі-шоу «Ертегіні басынан таны», «Суретшілер байқауы», «Түймедағы-викторина», «Ертегіні жалғастыр», «Жұмбақтар», «Кейіпкер портреті», «Капитандар сайысы», «Г.Х. Андерсеннің ертегісі қайсысы?», «Андерсен ертегілерінің кейіпкерлері» - кроссворд және «Үй тапсырмасы» («Түймеқыз» және «Бұршақ дәнін сезген ханшайым» ертегілерінен көрініс дайындау) атты сайыстардан тұрды.  Шара барысында Г.Х.Андерсеннің өмірі мен шығармашылығына арналған слайд көрсетіліп, балалар «Ұсқынсыз үйрек» мультфильмін тамашалады.